DY FJALE

STANISLLAV LEM (1921) është shkrimtar fantastiko-shkencor polak me emër botëror, veprat e të cilit janë përkthyer në dhjetëra gjuhë të botës dhe me skenarë prej tyre janë bërë edhe filma, ndër të cilët shquhet filmu “Solaris”.

S.Lemi parapëlqen llojin e romanit fantastik filozofik por edhe atë futurologjik, kibernitik, për fluturime kozmike etj.

Në trashëgiminë e pasur dhe të gjerë letrare të S.Lemit spikat dramaticiteti i fuqishëm ku shpalosen virtyte të larta njerëzore dhe dënohet shpirtvogëlsia, pazotësia, smira e tradhëtia.

Veprat kryesore të S.Lemit janë romanet: “Edem”, “Zëri i qiellit”, “Vakuumi absolut”, “I pamposhturi”, “Ditari yllor i Ivan Tihit”, “Kongresi i futurologëve”.

Por një ndër kryeveprat e tij është romani “Solaris” (1961), ky roman “për kohën e kujtesën”, që tanimë është pranuar si kryevepër e letërsisë klasike fantastike-shkencore. Në vitin 1972 “Solaris” u bë film nga kineasti i famshëm sovjetik Andrei Tarkovski.

PERKTHYESI

// Lem Stanisław. Solaris. – Tirana: Uegen, 1996.